Binidittu lu pilu chi ni crisci
senza chiantallu e mancu abbivirallu,
ca è un piaciri a modu d'allisciallu
comu Re Salamuni: lu capisci?

Ma una e dui, vivi manci e pisci,
c'è lu varveri pronti pi rascallu,
c'è l'esatturi ancora p'abbrusciallu,
ca ni fannu lu pilu: e si subbisci.

La custana si senti; e rasca, rasca:
p'un pilu ora s'azzicca 'na vinciuta
e un pilu 'un ha passàri pi la nasca.

Pi pila: sciarri, corpa, vanniliuna;
e sempri ca pi un pilu èni vinnuta
la nostra vita a stenti e risaccuna
versu la morti vecchia e jmmiruta.