Cu 'sti vutazzioni c'è 'u scumpigghiu,
tutti li partita 'n parapigghiu
ma 'nta li guai semu l'elittura:
n'hannu abbannunati addirittura.

Chi sorti d'avvintura ca fu chista:
‘nta sèggia s'assittaru 'i Comunista!
Chiddi... cu li chiavi e 'a cassa forti,
a tutti quanti ni chiuderu 'i porti.

Ora 'un sapemu chiù comu s'ha' a fari
cu 'sta 'ran pena ca ni carricari;
semu custritti a sparari 'i vuci:
‘un ni putemu chiù 'i purtari 'a cruci!

'Na cosa sula avissimu a pruvari:
lu russu d"u comuni ámu a canciari;
pi vidiri chi cosa sapi fari:
lu biancu ciuri ci avemu a purtari!

Ci lu purtammu... ma nun migghiurammu.